Yer Günü: yaşıllıq, təbiət, ətraf mühit" mövzusunda dəyirmi masa
Coğrafiya fakültəsi və Tələbə Həmkarlar İttifaqı Komitəsinin (THİK) təşkilatçılığı ilə Beynəlxalq Yer Kürəsi Gününə həsr olunmuş "Yer Günü: yaşıllıq, təbiət, ətraf mühit" mövzusunda dəyirmi masa keçirilib.
Tədbiri giriş sözləri ilə açan Coğrafiya fakültəsinin dekanı dosent Şəkər Məmmədova, Yer Gününün əhəmiyyətinə dair çıxış etdi.
Sonra çıxış edən Ekologiya və Təbii Sərvətlər Nazirliyinin Ekoloji maarifləndirmə və ictimaiyyətlə əlaqələr şöbəsinin müdiri Səyyarə Məmmədova ətraf mühitin mühafizəsi istiqamətində aparılan işlərdən, bu sahədə vətəndaşların məsuliyyətindən, suya qənaət və məişət tullantılarının düzgün idarə olunmasının əhəmiyyətindən bəhs etdi.
Geodeziya və kartoqrafiya kafedrasının müdiri professor Məqsəd Qocamanovun Yer planeti və onun öyrənilməsində geodezik hesablamaların əhəmiyyəti və Fiziki coğrafiya kafedrasının müdiri professor Yaqub Qəribovun isə Kainatın və Yer planetinin yaranması, onun inkişafı mövzusunda məruzələr ilə çıxış etdilər.
Məruzələrin ardıyca Coğrafiya fakültəsi THİK sədri Asif Abdulalimov çıxış edərək, Yer Günü ilə bağlı THİK-in həyata keçirdiyi layihələrdən və bu layihələrdə tələbələrin çox həvəslə istirak etməsindən bəhs etdi. Coğrafiya THİK üzvlərindən III kurs tələbəsi, BDU "Enactus" komanda kapitanı Kəmalə Məmmədova ölkəmizdə və universitetimizdə təbiətin qorunması, yaşıl zonaların yaradılması, BDU "Enactus" komandasının "EcoPrint" layihəsində iştirakı və qalibiyyətindən, I kurs tələbəsi Leyla Şıxıyeva Yer Günü barədə çıxış edərək "Təbiəti mühafizə edək" şüarı ilə hər kəsə səslənmiş, ətraf mühitin mühafizəsinin vacibliyindən bəhs etmişdir. I kurs tələbəsi Hökümə Sadıqova isə öz çıxışında Yer Günü və ətraf mühitin mühafizəsinə çağırış edən şeir səsləndirdi.
Tədbirin sonunda Coğrafiya fakültəsinin dekanı Şəkər. Məmmədova bu mövzuda tədbirlərin keçirilməsinin vacibliyini vurğulayaraq, iştirak etdikləri üçün hər kəsə minnətdarlığını bildirdi.