Bakı Dövlət Universiteti Coğrafiya fakültəsi

Bakı Dövlət Unveristeti Coğrafiya fakültəsinin Həmkarlar ittifaqı Təşkilatı 1943 cü ildən fəaliyyət göstərir. Həmkarlar ittifaqı Təşkilatına müxtəlif illərdə dosent Ramiz Abdullayev,dostent Elxan Nuriyev rəhbərlik ediblər.Coğrafiya fakültəsi Həmkarlar Təşkilatı üzvlərinin sayı 70 yaxındır.HİT-ın İdarə heyətinə 7 nəfər daxildir. 2009- cu ildən  Fakültə həmkarlar ittifaqı təşkilatına dosent Ələkbər Həsənəliyev rəhbərlik edir.

Fakültə HİT-in çoxşaxəli fəaliyyətinə əməkdaşlar üçün ictimai iaşənin keyfiyyətli və sərfəli qiymətlərlə təminatı,əmək hüquqlarının müdafiəsi, əmək intizamının möhkəmləndirilməsi, diqqət və qayğı göstərilməsi,onların sağlamlığının qorunması, müxtəlif kompensasiyaların ödənilməsi,iş və istirahət günlərinin tənzimlənməsi və təşkili kimi vəzifələr də daxildir.HİT,həmçinin əməyin mühafizəsinə dair norma və qaydaların tələblərinin yerinə yetirilməsini,əmək qanunvericiliyinə əməl edilməsini də diqqət və nəzarətdə saxlayır.

HİT əməkdaşların sosial,hüquqi, mənəvi mənafelərini müdafiə etməklə yanaşı,həmçinin Bakı Dövlət Unveristetinin Coğrafiya fakültəsinin ictimai həyatında da feal iştirak edir. Mədəni-kütləvi  tədbirlər, yubiley mərasimləri, iməciliklər, ekskursiyalar, müsabiqə və turnirlər təşkil edir. HİT əmək prosesində işçilərin ümumi mənafeyini  qorumaqla yanaşı, öz üzvlərinin həyat və əmək şəraitinin  yaxşılaşdırlması, onların maddi durumlarının yüksəldilməsi, tədris müəssisəsində və kənarda mədəni-kütləvi tədbirlərin həyata keçirilməsində də yaxından  iştirak edir. Təşkilatın qarşısında duran  mühüm vəzifələrdən biri də fakültənin əməkdaşlarının ictimai həyata,təsərrufat fəaliyyətinə cəlb olunması, təlim-tərbiyə və təhsil prosesində onların potensialından geniş istifadə edilməsdir

İdarə Heyətinin üzvləri:

1. Nuriyev Elxan
2. İsmayılova Ülviyyə
3. Talıbov Əfqan
4. Cəfərova Gülnarə
5. Orucov Mübariz
6. Hüseynzadə Firudin