Yeni qəbul olunmuş əməkdaşlarla görüş
Bakı Dövlət Universitetinin Coğrafiya fakültəsinin dekanlığında kafedralara müəllim ştatına yeni qəbul olunmuş əməkdaşlarla görüş keçirilmişdir. Rektorun müvafiq əmrləri ilə Həsənov Əhməd Sərhad oğlu və Qəribova İlhamə Əhməd qızı Geodeziya və kartoqrafiya kafedrasına, Quliyeva Aytən Ağarəhim qızı və Nuriyev Anar Ataxan oğlu Hidrometeorologiya kafedrasına, Ələkbərli Emin Yaqub oğlu isə İqtisadi və sosial coğrafiya kafedrasına tam ştat müəllim vəzifəsinə təyin olunublar.
Görüşdə Coğrafiya fakültəsinin dekanı vəzifəsini icra edən professor Məqsəd Qocamanov müəllimlərin hüquq və vəzifələri, tələbələrlə təlim-tədris proseslərinin təşkili, auditoryalarda davranış haqqında ümumi məlumat verdi. Yeni işə qəbul edilmiş müəllimlərlə öz layiqli peşələrində uğurlar arzuladı və müəllimlərə simvolik hədiyyələr təqdim etdi.
Görüşün sonunda hər bir müəllimə işə qəbul olunması haqqında BDU rektorunun müvafiq əmrləri təqdim olundu.
