"Yaşıl Dünya Naminə Həmrəylik İli"nə həsr olunmuş "Poliqon" strateji intellektual oyunu

19 May 2024 23:15

Bakı Dövlət Universitetinin "BDU könüllüləri" təşkilatının Coğrafiya fakültəsi könüllülərinin təşkilatçılığı ilə "Yaşıl Dünya Naminə Həmrəylik İli"nə həsr olunmuş "Poliqon" strateji intellektual oyunu baş tutub.

İntelektual yarış 16 komandanın iştirakı ilə 4 raund üzrə keçirilib

Coğrafiya fakültəsi Könüllülərinin sədri Nurqələm Hüseynov iştirakçılara yarışın qaydaları barədə məlumat verib. Şəffaflığın təmin olunması məqsədilə münsiflər heyəti və nəzarət qrupu yarışın gedişatına və balların hesablanmasına nəzarət edib.

Gərgin intellektual mübarizənin sonunda "Mutant" komandası 1-ci, "Evrika" komandası 2-ci və "Legion" komandası 3-cü yeri qazanıb. Qalib komandaların üzvləri sertifikatla təltif olunub.