Bakı Dövlət Universiteti Coğrafiya fakültəsi

Bakı Dövlət Universiteti (BDU) Coğrafiya fakültəsi Tələbə Həmkarlar İttifaqı Komitəsinin (THİK) təşkilatçılığı ilə Coğrafiya fakültəsində Ulu öndər Heydər Əliyevin 101 illiyinə həsr edilmiş intelektual yarış keçirilib.

İntellektual yarış 11 komandanın iştirakı ilə 5 raund üzrə aparılıb.

Yarışdan əvvəl dövlət himni səslənib və ulu öndər Heydər Əliyevin, eləcə də Şəhidlərin xatirələri bir dəqiqəlik sükutla yad edilib.

 Aparıcılar iştirakçılara yarışın qaydaları barədə məlumat verib və suallar Sadıq Novruzov və Təbərrik Zeynalova tərəfindən səsləndirilib. Şəffaflığın və yarışa nəzarətin təmin olunması məqsədi ilə Ayla Həsənzadə, İntiqam Məmmədov, Nurqələm Hüseynov, Varis Əhmədlidən ibarət  münsiflər heyəti yaradılmış və yarışın gedişatına və balların hesablanmasına diqqət edilib.

Gərgin intellektual mübarizənin sonunda "Last Samurai" komandası 1-ci, "Üzü küləyə" komandası 2-ci və "Turan" komandası 3-cü yerə layiq görülüb. Qalib komandaların üzvləri Fəxri fərmanlarla təltif olunub.