Bakı Dövlət Universiteti Coğrafiya fakültəsi

Bakı Dövlət Universiteti Coğrafiya fakültəsi Tələbə Gənclər Təşkilatının təşəbbüsü ilə "Start-up'a giriş" mövzusunda təlim baş tutmuşdur.

 

Təlimi ilk olaraq I kurs tələbəsi Harun Mehdiyev açıq elan etmiş, təlimin mövzusu və gedişi barədə iştirakçıları məlumatlandırmışdır. 

Daha sonra sözü" E-box" texnologiya şirkətinin təsisçisi, «Efir TV»-nin rəhbəri, Şəxsi inkişaf və biznes üzrə konsultant, NLP təlimçi, tədqiqatçı alim Şamo Salayevə vermişdir. Ş.Salayev təlim iştirakçıları ilə şəxsi inkişaf və start-up mövzusunda fikir mübadiləsi aparmışdır. Tədbirin gedişatında start-up baradə şəkillər göstərilmiş, beynəlxalq platformalarda bu məsələyə necə baxıldığı açıqlanmışdır. Daha sonra Coğrafiya fakültəsinin dekanı dosent Şəkər Məmmədova fakültə tələbələrinin fəaliyyətini yüksək qiymətləndirmiş, uğurlu karyeraya gedən yolda ali təhsillə yanaşı, şəxsi keyfiyyətlər, sosial bacarıqlar, ünsiyyət və danışıq qabiliyyətinin də böyük əhəmiyyət kəsb etməsini diqqətə çatdırmışdır. Sonda Coğrafiya fakültəsi Tələbə Gənclər Təşkilatının sədri Mədinə Quluzadə layihənin təşkili və həyata keçirilməsində dəstək olan universitet, fakültə rəhbərliyinə və iştirak edən hər kəsə təşəkkürünü bildirmişdir.