Bakı Dövlət Universiteti Coğrafiya fakültəsi

Bakı Dövlət Universititetinin Coğrafiya fakültəsinin coğrafiya müəllimliyi ixtisasının 4- kurs qrupları arasında Coğrafiyanın tədrisi metodikası fənni üzrə “Müasir dövrdə təhsilin sistemində məktəbdaxili qiymətləndirmənin zəruriliyi” mövzusunda ilk dəfə olaraq fənn müəllimi Elvira Hüseynovanın təşəbbüsü ilə debat təşkil olunmuşdur. Azərbaycan coğrafiyası və coğrafiyanın tədrisi metodikasının dosenti Nərminə Seyfullayeva debatın açılış çıxışını edərək, bildirdi ki, əsas məqsəd tələbələrin müzakirə etmək və komunikasiya bacarıqlarını artırmaqdır.

İlk olaraq təsdiq komandası müasir dövrdə qiymətləndirmənin zəruriliyini  müdafiə edərək bu  sahədə beynəlxalq təcrübənin  əhəmiyyətini əsaslandırdılar.   Sonra isə  rəqib komanda üzvləri öz mövqelərini müdafiə edərək , digər komandaya  suallar ünvanlandılar. Debatın   gedişində  əsas məqamlara toxunularaq   müzakirələr aparıldı. Müzakirə prossesinin sonunda izləyicilərə öz fikirlərini səsləndirmək üçün  söz verildi.

Debat Azərbaycan coğrafiyası və coğrafiyanın tədris metodikası kafedrasının müdiri  dosent Saleh Nağıyevin çıxışı ilə yekunlaşdı.

Sonda təsdiq və inkar komandalarının üzvləri Fəxri  fərman ilə təltif olundular.