Bakı Dövlət Universiteti Coğrafiya fakültəsi

Coğrafiya fakültəsinin bir qrup tələbəsi 27 sentyabr Anım Günü ilə əlaqədar II Fəxri Xiyabanda olublar. Ərazi bütövlüyümüz, dövlət müstəqilliyimiz və ölkəmizin suverenliyi uğrunda qəhrəmancasına mübarizə apararaq şəhidlik zirvəsinə ucalan hərbçilərimizin əziz xatirəsi yad edilib, məzarları üzərinə gül dəstələri qoyulub.
Coğrafiya fakültəsinin Sosial məsələlər və tələbələrlə iş üzrə dekan müavini Qoşqar Məmmədov Anım Günün əhəmiyyətini qeyd edərək, qəhrəman hərbçilərimizin keçdiyi şərəfli döyüş yolu və 44 günlük Vətən müharibəsində əldə olunan şanlı zəfərdən bəhs edərək, gənclərin vətənpərvərlik ruhunda yetişməsinin önəmini vurğulayıb.
Tədbirdə həmçinin fakültə THİK, TEC və TGT idarə heyətləri iştirak ediblər.