Bakı Dövlət Universiteti Coğrafiya fakültəsi

Coğrafiya fakültəsinin Davamlı inkişafın idarə edilməsi ixtisasında təhsil alan tələbələr tərəfindən yaradılmış Davamlı inkişaf klubunun təqdimatı keçirilib.
Tədbirin açılışını klub sədri Sevda Paşayeva edib və sözü İqtisadi və sosial coğrafiya kafedrasının müdiri, coğrafiya elmləri doktoru, professor Çingiz İsmayılova verib. O, Davamlı inkişaf klubu haqqında ümumi məlumat verib, bu ixtisasın yaradılması və onun müasir dövrdə əhəmiyyəti barədə danışıb. Daha sonra dosent Sahilə Allahverdiyeva klubun gələcək perspektivləri haqqında fikirlərini bölüşüb. İqtisadi və sosial coğrafiya kafedrasının müəllimi Maqsud Babayev bir sıra layihələrin həyata keçirilməsi istiqamətində tələbələrə tövsiyyələrini verib. Kafedranın doktorantı Günay Abbasova və klub sədri Sevda Paşayeva klubun əsas məqsədi və fəaliyyəti haqqında tələbələri məlumatlandırıb və davamlı inkişaf məqsədləri haqqında ətraflı məlumat verməsi üçün sözü Cavid Bağırova veriblər. Sonra müavinlər Nihat Yusifli və Asim Şərifov klub üzvlərinə davamlı inkişaf məqsədləri barədə məlumat veriblər.
Daha sonra klub sədri Sevda Paşayeva tələbələrin klubla bağlı suallarını cavablandırıb. Tədbir professor Çingiz İsmayılovun iştirakçılara klubun fəaliyyəti ilə bağlı öz təkliflərini verməsi və tələbələrə daha fəal olmalarını məsləhət görməsi ilə başa çatıb.