Coğrafaiya fakültəsində Ramazan bayramı qeyd olunub
Müsəlman dünyasının müqəddəs bayramlarından biri də Ramazan bayramıdır. Ramazan ayında insanlar oruc tutaraq özlərini həm fiziki, həm də mənəvi cəhətdən saflaşdırırlar. Ramazan ayı təlim və tərbiyə ayı, paklıq və təmizlənmə ayı, özünü sınamaq ayıdır. Ramazan ayının sonunda imkanı olan hər kəs yaxınlarına, ətrafda ehtiyacı olanlara maddi yardım göstərirlər. Coğrafiya fakültəsinin dekanlığı da bu proseslərdən geridə qalmamışdır. Fakültə dekanı və coğrafiya fakultəsinin dostu və adının hallanmasını istəməyən bir iş adamının maliyyə dəstəyi ilə fakultənin bir qrup sosial həssas olan tələbələrinə Ramazan bayramı ərəfəsində maddi yardım göstərilib.Bu yardımı onlara çatdıran Coğrafiya fakültəsinin dekanı vəzifəsini icra edən Məqsəd Qocamanov və Sosial məsələlər üzrə dekan müavini Qoşqar Məmmədov həmin tələbələri dekanlığa dəvət etmiş, onların qayğıları ilə yaxından tanış olmuş və hər zaman dekanlığın onların yanında olacağını və fakültə olaraq dəstək verəcəyini bildirmişlər.