Bakı Dövlət Universiteti Coğrafiya fakültəsi

Bakı Dövlət Universiteti Coğrafiya fakültəsi Tələbə Gənclər Təşkilatının təşəbbüsüylə Aprel Döyüşlərinin 6 illiyi ilə bağlı İkinci Fəxri Xiyabana ziyarət təşkil olunub.

Coğrafiya fakültəsinin dekan müavini Qoşqar Məmmədov və Tələbə Gənclər Təşkilatın bir qrup üzvü İkinci Fəxri Xiyabandakı şəhid məzarlarını ziyarət edərək Azərbaycanın suverenliyinin, müstəqilliyinin qorunması və ərazi bütövlüyünün bərpası uğrunda şəhid olan qəhrəman Vətən övladlarının xatirəsini və ölməz ruhunu 1 dəqiqəlik sükutla yad edib, məzarları üzərinə gül dəstələri qoyublar. Həmçinin Coğrafiya fakültəsinin III kurs tələbəsi Nəzirli Aytənin atası şəhid Palkovnik Nəzirov Emil Nəzir oğlunun məzarı da ziyarət edilmiş, tələbələrə şəhidin hərbi fəaliyyəti və döyüş yolu haqqında məlumatlar verilmişdir. Daha sonra l kurs tələbələrindən Harun Məmmədov Aprel döyüşləri ilə bağlı çıxış edərək baş verən hadisələri tələbələrə nəql etmiş, Nəzirə Dursunova isə Nəriman Həsənzadənin "Azərbaycan" şeirini səsləndirmişdir. Ziyarət Q.Məmmədovun tələbələrə Aprel döyüşləri, Qarabağ müharibələri, Xocalı soyqırımı və Erməni vandalizminin törətdiyi digər vəhşiliklər haqqında verdiyi məlumatlarla yekunlaşmışdır.