Bakı Dövlət Universiteti Coğrafiya fakültəsi

Coğrafiya fakültəsinin Sosial məsələlər və tələbələrlə iş üzrə dekan müavini Qoşqar Məmmədovun təşkilatçılığı ilə baş tutan ziyarətdə fakültənin tələbələri iştirak ediblər. Onlar Azərbaycanın suverenliyinin, müstəqilliyinin qorunması və ərazi bütövlüyünün bərpası uğrunda şəhid olan qəhrəman Vətən övladlarının xatirəsini və ölməz ruhunu ehtiramla yad edib, məzarları üzərinə gül dəstələri qoyublar. Daha sonra Q.Məmmədov qəhrəman hərbçilərimizin keçdiyi şərəfli döyüş yolu, 44 günlük Vətən müharibəsində əldə olunan şanlı zəfərdən bəhs edərək gənclərin vətənpərvərlik ruhunda yetişməsinin önəmini vurğulayıb, şəhidlərimizin igidliyinin və vətənpərvərliyinin gələcək nəsillərə örnək olacağını diqqətə çatdırıb.