25 oktyabr 1939-cu ildə anadan olmuşdur. 1956-1962-ci ildə Bakı Dövlət Universitetinin Geoloji-coğrafiya fakültəsində təhsil almışdır. 1964-cü ildə Moskva Dövlət Universitetinin “SSRİ-nin iqtisadi coğrafiyası” ixtisası üzrə əyani aspiranturasına daxil olmuşdur. 1969-cu ildə namizədlik, 1986-cı ildə doktorluq dissertasiyası müdafiə etmiş, 1990-cı ildə professor elmi adı almışdır. 1989-91-ci illərdə BDU-nun SSRİ-nin iqtisadi coğrafiya kafedrasının müdiri, 1990-92-ci illərdə Azərbaycanın Xalq Təhsili nazirinin müavini, 1992-ci ildə BDU-nun prorektoru olmuşdur. 1992-ci ildən İqtisadi və sosial coğrafiya kafedrasının professoru olmuşdur.
Elmi fəaliyyəti təbii fəlakətlərin elmi və sosial coğrafi istiqamətdə öyrənilməsinə həsr olunmuşdur. 200 elmi və publisistik məqalənin müəllifidir. Rəhbərliyi ilə 6 elmlər namizədi hazırlanmışdır.
Akademik Həsən Əliyev adına Coğrafiya İnstitutu nəzdində fəaliyyət göstərən Dissertasiya Şurasının və BDU-nun Coğrafiya fakültəsinin Elmi Şurasının üzvü olmuşdur. Təhsil Nazirliyinin “Qabaqcıl təhsil işçisi” döş nişanı və fəxri fərmanı, “Şöhrət” ordeni ilə təltif olunmuşdur.